🟡لو اشتريت شقة تحت الإنشاء ولسه بتسدد أقساطها ووصل ميعاد التسليم والبائع مأخر التسليم.
🟡خليني اقولك إن القانون المدني في المادة 161 واضح جدا.
🟡وبيقول إن أي طرف ملتزم بكل التزاماته يقدر يواجه الطرف التاني اللي متأخر عن تنفيذ التزامه.
🟡وده يعني من حقك توقف سداد الأقساط مؤقتا وتطالب باستلام الشقة حتى لو العقد بيقول غير كده.
🟡بس لازم تمشي في إجراءات قانونية عشان تحمي نفسك من فسخ العقد الغير مبرر وتثبت حقك في طلب التعويض عن عدم الانتفاع بالشقة من أول ميعاد التسليم لحد ما تستلمها فعليا.
🟡كمان تقدر تطالب بتعويض عن أي أضرار حصلتلك بسبب التأخير زي غلاء مواد التشطيبات أو استئجار شقة تانية.
🟡وفي نفس الوقت تقدر تطلب فرض غرامة تأخير عن كل يوم بيتم فيه التأخير عشان تضغط على البائع ويسلم الوحدة بسرعة.
🟡القانون بيدي لك الحق تحمي نفسك وتاخد حقوقك بدون ما تتهدد بفسخ العقد أو دفع أقساط على الفاضي.
#بانكير
